Dünya

Hindistanda blogeri ağaca bağlayıb yandırdılar

2 Sentyabr 2026 12:20

Baxış: 540

VTB-də minimal faiz dərəcəsi ilə nağd kredit 9.9%-dən

Hindistanın Pəncab əyalətində 28 yaşlı sosial media fenomeninin ölümü ilə nəticələnən dəhşətli hadisə baş verib.

Milli.Az xarici mətbuata istinadən xəbər verir ki, Manjeet Kaur iki tanışı tərəfindən qaçırıldıqdan sonra ağır işgəncələrə məruz qalıb.

Məlumata görə, hadisə iyulun 3-də gecə saatlarında baş verib. Kaur iki tanışı ilə görüşmək üçün Çandiqarxdakı bir əraziyə çağırılıb. Bundan sonra onun zorla avtomobilə mindirilərək Morinda yaxınlığındakı meşəlik əraziyə aparıldığı bildirilir.

İddialara əsasən, burada gənc qadın döyülüb, tut ağacına bağlanıb və yandırılıb. Hadisə yerinə gələn şəxslərdən biri Kauru alovlar içərisində görərək üzərinə yorğan atıb və yanğını söndürüb.

Ağır yanıq xəsarətləri alan qadın təxminən iki ay ərzində həyat mübarizəsi aparıb. Lakin o, avqustun 26-da xəstəxanada vəfat edib.

Tibbi ekspertizanın nəticələrinə əsasən, Kaur öldüyü zaman təxminən 7 həftəlik hamilə olub.

Hadisə ilə bağlı araşdırma aparılır.

Müəllif: Malik Məlikov (Milli.Az redaktor)