Dünya

1,2 milyon manatlıq körpü açılışda çökdü - (Video)

2 Sentyabr 2026 11:22
Baxış: 4 377
VTB-də minimal faiz dərəcəsi ilə nağd kredit 9.9%-dən
#VİDEO #INDONESİA #KÖRPÜ #İNDONEZİYA

İndoneziyada təxminən 724 min dollara (təxminən 1,2 milyon manat) tikilən asma körpü açılış mərasimi zamanı gözlənilmədən çöküb.

Milli.Az qafqazinfo-ya istinadən xəbər verir ki,  hadisə Qərbi Yava əyalətinin Panqandaran bölgəsində yerləşən Marqaçinta kəndində baş verib.

Təxminən 60 metr uzunluğunda olan Ponqpet asma körpüsünün açılış mərasimi zamanı regional rəsmilər, hərbçilər və yerli sakinlər də daxil olmaqla 50-dən çox insan eyni vaxtda körpünün üzərinə çıxıb.

İzdiham körpüdən keçərkən dayaq kabellərindən biri əsas birləşmə nöqtəsindən ayrılıb. Bundan sonra konstruksiya bir tərəfə doğru əyilməyə başlayıb.

Yaranan panika zamanı bəzi insanlar körpüdən yıxılıb və yüngül xəsarətlər alıblar. Hadisə zamanı ölüm faktı qeydə alınmayıb.

Hadisədən sonra təhlükəsizlik məqsədilə körpünün istifadəsi dayandırılıb. Texniki yoxlama və təmir işlərinə başlanılıb.

Müəllif: Tural Hüseyn (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.