Maraqlı

Bazarda 2,50 manata satılan möcüzəvi meyvə ürəyi yeniləyir

1 Sentyabr 2026 21:32

Baxış: 16 176

VTB-də minimal faiz dərəcəsi ilə nağd kredit 9.9%-dən

#MARAQLI

Payızın gəlişi ilə qara gavalı həm əlçatan qiyməti, həm də yüksək qida dəyəri ilə diqqət çəkir. Kiloqramı orta hesabla 2,50 manatdan satışa təqdim edilən məhsul tərkibindəki zəngin antioksidantlar, C və K vitaminləri, eləcə də kalium sayəsində ürək-damar sağlamlığı başda olmaqla ümumi bədən sağlamlığı baxımından ön plana çıxır.

Milli.Az xəbər verir ki, tünd bənövşəyi rəngini tərkibindəki antosiyanin maddəsindən alan qara gavalı sərbəst radikallarla mübarizə apararaq damar sərtləşməsinin qarşısını almağa kömək edir və pis xolesterin səviyyəsinin aşağı salınmasını dəstəkləyir. Yüksək kalium nisbəti ilə qan təzyiqini tənzimləyərək ürək üzərindəki yükü yüngülləşdirən meyvə lifli quruluşu ilə həzm sistemini nizamlayır, qəbizlik problemini aradan qaldırır və qan şəkərinin balansda qalmasını təmin edir.

Bundan əlavə, tərkibindəki C vitamini sayəsində bədənin dəmir sorulmasını artıraraq qanazlığı ilə mübarizəyə töhfə verən qara gavalı K vitamini və maqnezium birləşməsi ilə də sümük sıxlığını qorumağa kömək edir.

Hüceyrə yenilənməsini sürətləndirərək dəri sağlamlığını da dəstəkləyən meyvə sentyabr ayı boyunca bazarlarda təzə şəkildə tapılır. Məhsul birbaşa istehlak edilməklə yanaşı, qurudularaq, kompot və ya marmelat şəklində də qış ayları üçün saxlanıla bilər.

Müəllif: Ülkər Vəliyeva (Milli.Az redaktor)