İdman

İngiltərə nəhəngi türk futbolçuya "elçi düşdü"

1 Sentyabr 2026 14:45

Baxış: 3 945

VTB-də minimal faiz dərəcəsi ilə nağd kredit 9.9%-dən

#TRANSFERLƏR #MANÇESTER YUNAYTED #FUTBOL #PREMYER LİQA

"Mançester Yunayted" Türkiyə millisinin futbolçusu və "Brayton"un müdafiəçisi Ferdi Kadıoğlu ilə maraqlanır.

Milli.Az xarici mətbuata istinadən xəbər verir ki, İngiltərə klubunun 26 yaşlı futbolçunu transfer etmək variantını dəyərləndirdiyini yazıb.

Məlumata görə, "qırmızı şeytanlar" transfer pəncərəsi bağlanana qədər sol cinah müdafiəçisi mövqeyini gücləndirməyi planlaşdırır. Klub rəhbərliyinin bu istiqamətdə yekun qərarı yaxın saatlarda verməsi gözlənilir.

Ferdi Kadıoğlu 2024-cü ildə təxminən 25 milyon funt sterlinq qarşılığında "Fənərbağça"dan "Brayton"a transfer olunub. İlk mövsümündə zədə səbəbindən uzun müddət yaşıl meydanlardan kənarda qalan futbolçu ötən mövsüm çoxfunksiyalılığı ilə seçilib.

Türkiyə millisinin üzvü müdafiənin hər iki cinahında, eləcə də vinger və yarımmüdafiəçi mövqelərində oynaya bilir.

Qeyd edək ki, Kadıoğlu bu mövsüm "Brayton"un ilk matçında zədə səbəbindən iştirak etməyib. O, son turda isə "Çelsi"yə 3:4 hesabı ilə məğlub olduqları qarşılaşmada start heyətində yer alıb.

Müəllif: Tural Hüseyn (Milli.Az redaktor)