Dünya

Yay ayları ilə bağlı ciddi XƏBƏRDARLIQ

28 May 2026 09:03
Baxış: 1 364
VTB-də minimal faiz dərəcəsi ilə nağd kredit 9.9%-dən
#HAVA #KOSMOS #HAVA HAQQINDA MƏLUMAT #METEOHƏSSAS İNSANLAR

Astronomlar Günəş aktivliyinin 2030-cu ilə qədər minimum səviyyəyə çatacağını proqnozlaşdırırlar.

Milli.Az xəbər verir ki, bunu Tsiolkovski Dövlət Müasir İncəsənət Muzeyinin Fizika və Astronomiya şöbəsinin elmi işçisi Aleksandr Alekseyev TASS-a açıqlamasında deyib. Onun sözlərinə görə, Günəş aktivliyinin azalması tədricən baş verəcək və bu dövrdə ayrı-ayrı alovlanmalar müşahidə oluna bilər:

"Minimum aktivliyə 2030-cu ilə qədər çatılmalıdır. Aktivliyin azalması mərhələli şəkildə gedəcək və təcrid olunmuş partlayışlar mümkündür. Hazırda proqnozlar göstərir ki, 2026-cı ilin iyun ayının ortalarında Günəşin uzaq tərəfində yerləşən aktiv zonalar görünən hissəyə keçəcək və bu da alovlanma ehtimalını artıracaq".

Mütəxəssis qeyd edib ki, Günəşin görünən tərəfində hazırda bir neçə aktiv günəş ləkəsi qrupu mövcuddur:

"Onların mayın sonunadək bir neçə alovlanma yaratması ehtimal edilsə də, xüsusilə güclü hadisələrin baş verməsi gözlənilmir".

Alekseyev həmçinin vurğulayıb ki, Yer səthinə çatan günəş radiasiyasının miqdarı ilin fəsillərindən asılı olaraq əhəmiyyətli dərəcədə dəyişir:

"Bu fərq Yer səthinin Günəş şüalarına nisbətən meylliliyi və şüaların atmosferdən keçdiyi yolun uzunluğu ilə əlaqədardır. Yay aylarında Yerə daha çox günəş işığı çatır və atmosfer tərəfindən daha az zəiflədilir. Bu səbəbdən yayda günəş işığında ultrabənövşəyi şüalanmanın payı artır. Açıq havada istirahət planlaşdırarkən bu amili nəzərə almaq vacibdir". (teleqraf.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.