Dünya

"Fars": Livanda atəşkəs pozulsa, Hörmüz boğazı bağlanacaq

17 Aprel 2026 19:24
Baxış: 763
VTB-də minimal faiz dərəcəsi ilə nağd kredit 9.9%-dən
#DÜNYADA

Hörmüz boğazından keçid Livandakı atəşkəsin şərtlərinin icrasından asılıdır.

Milli.Az xəbər verir ki, bu barədə iranlı anonim mənbə "Fars" agentliyinə bildirib.

Mənbənin sözlərinə görə, Pakistanın vasitəçiliyi ilə irəli sürülən atəşkəs planının əvvəlindən İranın gün ərzində müəyyən sayda gəmilərin keçidinə icazə verməsi nəzərdə tutulmuşdu. Lakin atəşkəs razılaşmasının Livana şamil edilməməsindən sonra İran Hörmüz boğazında gəmilərin keçidi ilə bağlı razılaşmanı dayandırıb.

Mənbə əlavə edib ki, İran gəmilərin keçidi üçün şərtlər irəli sürüb. Belə ki, gəmilər kommersiya xarakterli olmalı, "düşmən ölkələr"lə bağlı olmamalı, İran tərəfindən müəyyən edilmiş marşrut boyu hərəkət etməli və İran hərbi qüvvələri ilə koordinasiya vəziyyətində olmalıdır.

O vurğulayıb ki, bu məsələ Livandakı atəşkəs şərtlərinin icrasından asılıdır və əgər dəniz blokadası davam etsə, bu atəşkəsin pozulması kimi qiymətləndiriləcək, nəticədə isə Hörmüz boğazında keçid yolunun bağlanmasına gətirib çıxaracaq. (APA)

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.