İqtisadiyyat

Bilmədən öz "quyularını qazırlar": İŞSİZ qalacaqlar - VİDEO

17 Aprel 2026 13:35

Baxış: 2 411

VTB-də minimal faiz dərəcəsi ilə nağd kredit 9.9%-dən

#MARAQLI #İQTİSADİYYAT #VİDEO #INDİA #SƏNAYE #FABRİK

Dünya mediasında geniş müzakirələrə səbəb olan maraqlı və bir o qədər də mübahisəli görüntülər yayılıb.

Milli.Az xəbər verir ki, Hindistanda yerləşən iri tekstil fabriklərində çalışan işçilərin iş zamanı başlarına kiçik kameralar taxdığı məlum olub. Bu kameralar onların bütün hərəkətlərini - parçanı tutma üsulundan tutmuş tikiş prosesinə qədər - birinci şəxs baxış bucağından saniyə-saniyə qeydə alır.

Məlumata görə, bu addımın əsas məqsədi gələcəkdə istifadə olunacaq süni intellekt sistemlərini və robotları öyrətməkdir. Şirkətlər bahalı hərəkət izləmə texnologiyalarına yatırım etmək əvəzinə, işçilərin illərlə qazandıqları təcrübəni və əl bacarıqlarını birbaşa bu yolla "köçürməyə" çalışırlar.

Lakin məsələ bununla bitmir. İctimaiyyətdə ən çox diqqət çəkən məqam ondan ibarətdir ki, işçilər faktiki olaraq gələcəkdə onların yerini tutacaq avtomatlaşdırma sistemlərinin hazırlanmasına özləri töhfə vermiş olurlar. Bu səbəbdən sosial şəbəkələrdə yayılan görüntülər "İşçilər öz quyularını qazır" kimi sərt şərhlərlə müşayiət olunur.

Digər tərəfdən, bu prosesin etik tərəfləri də ciddi müzakirə mövzusuna çevrilib. İşçilərin topladıqları məlumat qarşılığında ədalətli ödəniş alıb-almadıqları, həmçinin bu dataların gələcəkdə necə istifadə olunacağı ilə bağlı suallar açıq qalır.

Mütəxəssislər isə məsələni iki fərqli prizmadan dəyərləndirir. Bir qrup bunu texnologiyanın qaçılmaz inkişafı kimi görür, digər tərəf isə insan əməyinin yeni - rəqəmsal formada istismar edildiyini düşünür.

Hüseyn
Milli.Az