Şou-biznes

Azərbaycanlı müğənni qız atası olacaq

17 Aprel 2026 12:05

Baxış: 2 788

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #ŞOU

Müğənni Əhməd Mustafayev ata olmağa hazırlaşır.

Milli.Az xəbər verir ki, bu barədə aparıcı Zümrüd Bədəlova öz verilişində məlumat verib. Daha sonra sənətçi də efirdə xəbəri təsdiqləyərək sevincini bölüşüb.

O, bildirib ki, övladının sağlam dünyaya gəlməsi onun üçün ən böyük arzudur: "İnşallah, salamat dünyaya gəlsin. Allah arzusunda olan hər kəsə qismət etsin. Açığı, belə mövzulardan efirdə danışmağa bir az utanıram".

Mustafayev qız övladına xüsusi münasibətini də dilə gətirib: "Mənə görə hər bir ataya qız övladı mütləqdir. Oğul da Allah payıdır. Əvvəllər qız olacağını eşidəndə bəzi ataların kefi pozulurdu, amma indi əksinə, hamı sevinir".

Sənətçi ilk övladının oğlan olduğunu xatırladaraq bu dəfə fərqli hisslər yaşadığını deyib: "Birinci övladım olanda bu, adi bir hiss kimi gəlmişdi. İndi isə ikinci dəfə ata olacağım üçün sanki başqa enerji, həyata daha çox bağlanmaq hissi var".

Qeyd edək ki, sənətçinin bu açıqlamaları sosial şəbəkələrdə də maraqla qarşılanıb.

Hüseyn
Milli.Az