Dünya

Dünyanın 7 möcüzəsindən biri - Bəşəriyyətin ən büyük xəzinəsi tapıldı

13 Aprel 2026 02:02

Baxış: 318

VTB-də minimal faiz dərəcəsi ilə nağd kredit 9.9%-dən

#DÜNYADA

Misirin şərq limanında həyata keçirilən beynəlxalq PHAROS layihəsi çərçivəsində, əsrlərdir su altında qalan əfsanəvi tikiliyə dair ən genişmiqyaslı tapıntılar əldə edilib.

Milli.Az xəbər verir ki, Fransa Milli Elmi Araşdırmalar Mərkəzinin (CNRS) arxeoloqu Isabelle Hairy liderliyindəki qrup, dəniz tabanından çəkisi 70-80 ton arasında dəyişən qapı dirəkləri, eşiklər və səki daşlarını xilas edib. Bu hissələrin mayakın Misir və Yunan memarlıq texnikalarının sintezi ilə inşa edilmiş möhtəşəm girişinə aid olduğu müəyyən edilib.

Eramızdan əvvəl III əsrdə I Ptolemey Soter dövründə inşa edilən və memar Sostratus tərəfindən Pharos adası üzərində layihələndirilən mayak, 100 metrdən çox hündürlüyü ilə əsrlər boyu dünyanın ən hündür tikilisi titulunu qorumuşdu. 1303-cü ildə baş verən zəlzələ nəticəsində dağılan və 1600 ildir itkin hesab olunan bu hissələr indi müasir texnologiya ilə yenidən canlandırılacaq.

Aşkar edilən 100-dən çox memarlıq detalı fotaqrammetriya üsulu ilə rəqəmsal mühitə köçürülür. Ekspertlər bu blokları rəqəmsal bir tapmaca kimi analiz edərək, mayakın orijinal görünüşünü virtual olaraq yenidən inşa etməyi hədəfləyirlər.

İnşası: E.ə. III əsr.

Hündürlüyü: 100 metrdən çox (O dövrün rekordçusu).

Dağılması: Güclü zəlzələlər nəticəsində (Əsasən 1303-cü ildə).

Dağılan daşların bir hissəsi 1477-ci ildə Sultan Kayıtbay tərəfindən inşa edilən qalanın tikintisində istifadə olunmuşdu.

Bu tapıntı qədim dövrün mühəndislik sirlərini anlamaq və antik dünyanın ən parlaq simvollarından birini yenidən bəşəriyyətə qazandırmaq baxımından inqilabi addım hesab olunur.

Lalə Qüdrətova
Milli.Az