Kulinariya

Şirniyyata vanil əvəzinə nə vurmaq olar?

11 Aprel 2026 22:03

Baxış: 4 025

VTB-də minimal faiz dərəcəsi ilə nağd kredit 9.9%-dən

#KULİNARİYA

Vanilin ən klassik və təbii rəqibi limon və ya portağalın qabığıdır.

Milli.Az bildirir ki, meyvənin qabığını rəndənin nazik tərəfi ilə, ağ hissəsinə enmədən rəndələmək lazımdır.

Qabıqlardakı aromatik yağlar yumurta qoxusunu tamamilə yox edir və keksə təravətli bir qoxu verir. Xüsusilə sadə və meyvəli keks reseptlərində vanildən daha uğurlu nəticə verir.

Əgər keksiniz köklü, almalı və ya qozludursa, vanil əvəzinə darçın istifadə etmək möhtəşəm bir seçimdir.

Darçın keksə odunsu və şirin bir dərinlik qatır. Çox az miqdarda əzilmiş mixək ilə birləşdikdə isə vanili heç axtarmayacağınız zəngin bir koku profili yaradır.

Hind qozu (kokos) keksə həm fərqli bir toxuma (xırtıltı) verir, həm də bişərkən mətbəxə tropik bir qoxu yayır.

Badam ekstraktı vanildən daha kəskin, lakin çox nəcib bir qoxusu var. Bir damlası belə keksi "aşpaz əlindən çıxmış" kimi göstərməyə kifayət edir.

Türk qəhvəsi xüsusilə şokoladlı kekslərdə bir çay qaşığı narın çəkilmiş qəhvə dadları bir-birinə bağlayır və aromanı gücləndirir.

Hil dənələrini əzib xəmirə qatmaq keksə yüngül limonvari ətir verir. Bu, vanilsiz keksinizə aristokratik bir dad qazandıracaq.

Vanilin əsas funksiyası yumurta qoxusunu götürmək olduğu üçün, evdə yuxarıdakıların heç biri yoxdursa, xəmirə bir neçə damla limon suyu və ya bir çay qaşığı sirkə əlavə etmək də bu funksiyanı yerinə yetirə bilər.

Lalə Qüdrətova
Milli.Az

Milli.Az - Xəbər Portalı

Şirniyyata vanil əvəzinə nə vurmaq olar?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?