Dünya

Norveçdə evlərdə niyə pərdə yoxdur?

4 Mart 2026 08:41

Baxış: 1 754

VTB-də minimal faiz dərəcəsi ilə nağd kredit 9.9%-dən

#DÜNYADA

Norveçdə gəzərkən evlərin pəncərələrində pərdə olmadığını görsəniz, təəccüblənməyin.

Milli.Az xəbər verir ki, Norveçdə evlərin pərdəsiz olması sadəcə bir dekorasiya seçimi deyil; bunun arxasında həm coğrafi, həm tarixi, həm də çox dərin toplumsal səbəblər dayanır.

Norveçdə ilin böyük bir hissəsi hava qaranlıq keçir. Ona görə də insanlar tapdıqları hər zərrə günəş işığından maksimum yararlanmaq istəyirlər.

Norveçdə əksər binalar onsuz da təbiətlə iç-içədir. İnsanlar pəncərələrini açıq tutaraq təbiətlə aralarındakı sərhədi qaldırır və işığın içəri daxil olmasına şərait yaradırlar.

Norveç cəmiyyətinin təməlində güclü bir qarşılıqlı hörmət və güvən dayanır. Bu, məşhur "Yante Qanunu"**na əsaslanır:

Bu anlayışa görə, heç kim özünü başqasından üstün görməməlidir.

Cəmiyyətdə "heç kimin başqasının pəncərəsindən içəri baxmayacağı" barədə yazılmamış bir qayda var. İnsanlar bir-birinin şəxsi həyatına o qədər hörmət edirlər ki, kimsə pəncərədən içərini izləməyi ağlına belə gətirmir. Buna görə də pərdəyə ehtiyac qalmır.

Məsələnin tarixi kökləri də olduqca təsirlidir. Müharibə dövründə nasistlər Norveçi işğal edərkən maraqlı bir qadağa qoymuşdular:

İşğalçılar pəncərələrdən gələn işığın düşmənə yol göstərməməsi üçün bütün pəncərələrin qapqara örtülməsini tələb edirdilər.

Müharibə bitdikdə norveçlilər üçün pərdələri söküb atmaq bir növ üsyan və azadlıq simvoluna çevrildi. O gündən bəri pərdəsiz pəncərələr onlar üçün həm də hürriyyət deməkdir.

Maraqlıdır ki, kənardan baxanda evlərin içi tam görünsə də, sanki içəridə kimsə yaşamırmış kimi bir təəssürat yaranır. Sakitlik və təbiilik Norveç evlərinin əsas ruhudur.

Lalə Qüdrətova
Milli.Az

Milli.Az - Xəbər Portalı

Norveçdə evlərdə niyə pərdə yoxdur?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?