Dünya

ABŞ ordusundan Trampa İran ssenariləri: Masada 3 hərbi variant var

27 Fevral 2026 22:45
Baxış: 1 240
VTB-də minimal faiz dərəcəsi ilə nağd kredit 9.9%-dən
#DONALD TRAMP

Nüvə müzakirələrinin davam etdiyi bir vaxtda ABŞ Mərkəzi Komandanlığının (CENTCOM) rəhbəri Amiral Bred Kuper prezident Donald Trampa İrana qarşı mümkün hərbi əməliyyat variantlarını təqdim edib. ABŞ mətbuatının məlumatına görə, Vaşinqton Tehranı güzəştə məcbur etmək üçün "masada qılınc oynadır".

Milli.Az xəbər verir ki, İsrailin təkbaşına zərbəsi variantına görə, ABŞ birbaşa münaqişəyə girmir, döyüşləri İsrail başladır. Respublikaçılar Partiyasının bir çox üzvü ABŞ-nin birbaşa müharibəyə cəlb olunmaması üçün bu ssenarini dəstəkləyir.

ABŞ-İsrail müştərək əməliyyatı - Regiona yerləşdirilən ABŞ gəmiləri və qırıcılarının İsrail qüvvələri ilə koordinasiyalı şəkildə genişmiqyaslı hücumu. Hazırda ABŞ-nin bölgədəki hərbi gücü İranın istənilən nöqtəsini vurmaq iqtidarındadır.

Məhdud və hədəf yönümlü hücum - Tehranı nüvə şərtlərini qəbul etməyə məcbur etmək üçün yalnız ballistik raket sistemləri və nüvə obyektlərinə yönəlmiş nöqtə zərbələri.

Xatırladaq ki, 2025-ci ilin iyununda baş verən hücumlardan sonra dayanan danışıqlar Türkiyə və Omanın vasitəçiliyi ilə bərpa olunub. Lakin tərəflər arasında "uranın zənginləşdirilməsi" və "sanksiyaların ləğvi" mövzusunda hələ də ciddi uçurum var. ABŞ hərbi güc nümayiş etdirərək İrandan uran ehtiyatlarını ölkə xaricinə çıxarmasını tələb edir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.