Dünya

Təl-Əvivdəki iranəsilli yəhudilər iki od arasında - Narahatlıq böyüyür

30 İyun 2025 13:18

Baxış: 921

VTB-də minimal faiz dərəcəsi ilə nağd kredit 9.9%-dən

#IRAN

Yaxın Şərqdə son günlərdə baş verən hadisələr yalnız siyasi deyil, insani narahatlıqlar da doğurur. İsrailin İrana qarşı həyata keçirdiyi hərbi əməliyyatlar fonunda, Təl-Əvivdə yaşayan iran əsilli yəhudilər həm də köklərinin qaldığı ölkədəki soydaşlarının taleyindən nigarandırlar.

Təl-Əvivin məşhur Levinski bazarında Yaxın Şərq ədviyyatları ilə yanaşı, son münaqişəyə dair yəhudi söhbətləri də eşidilir. Burada yaşayan iranəsilli israillilər İsrailin İrana hücumu ilə bağlı narahatlıq ifadə ediblər. Onlar hərbi əməliyyatlara dəstək versələr də, İranda yaşayan yəhudilərin taleyindən nigarandırlar.

"İrandakı yəhudiləri Tanrı qorusun" - deyə bazar sakinlərindən biri bildirib.

Rəsmi məlumata görə, hazırda İranda 30 minə yaxın yəhudi yaşayır. 1979-cu il İslam İnqilabından əvvəl bu rəqəm 80 mindən çox idi.

1966-cı ildə İsfahandan İsrailə köçən 76 yaşlı Moluk Hanasav isə belə xatırlayır:

"O vaxtlar israillilər və müsəlmanlar bir-birini sevirdi".

Qeyd edək ki, 13 iyun tarixində İsrailin İrana qarşı başladığı əməliyyat nəticəsində İranda 627 nəfər həlak olub, 5 min nəfər yaralanıb. İsraildə isə 28 nəfərin öldüyü bildirilir.

Asya
Milli.Az