Dünya

Şavkat Mirziyoyev futbolçulara BYD hədiyyə etdi - Əli Əsədov qələbəni stadiondan izlədi - FOTO

11 İyun 2025 10:39

Baxış: 1 609

VTB-də minimal faiz dərəcəsi ilə nağd kredit 9.9%-dən

#FUTBOL #ÖZBƏKİSTAN

Özbəkistan milli komandasının futbolçuları tarixi uğura görə ölkə başçısı Şavkat Mirziyoyev tərəfindən BYD markalı elektromobillərlə mükafatlandırılıb.

Milli.Az yerli mətbuata istinadən xəbər verir ki, bu jest, yığmanın futbol üzrə dünya çempionatının final mərhələsinə ilk dəfə vəsiqə qazanması ilə əlaqədardır.

Təntənəli təqdimat Qətər üzərində qazanılan möhtəşəm 3:0 hesablı qələbədən dərhal sonra, stadionda reallaşıb. Həmin qarşılaşmanı Prezident Mirziyoyev Bolqarıstan Prezidenti Rumen Radev, Slovakiya Baş naziri Robert Fitso və Azərbaycanın Baş naziri Əli Əsədov ilə birgə izləyib.

Bundan əlavə, dövlət başçısı futbolçular və məşqçiləri "Özbəkistanın fəxri" fəxri adı ilə də təltif edib.

Qeyd edək ki, Özbəkistan millisi final mərhələsinin 9-cu turunda səfərdə BƏƏ yığması ilə 0:0 oynayaraq, son tura bir qalmış DÇ-2026-ya vəsiqəni təmin edib.

Dünya çempionatının final mərhələsi 2026-cı ilin 11 iyun - 19 iyul tarixlərində ABŞ, Meksika və Kanada ev sahibliyində keçiriləcək. Turnirdə 48 komanda iştirak edəcək.

Kənan
Milli.Az