Şou-biznes

İzzət Bağırov: "Zalı bağlatdırıb konsertə tək baxa bilər, məndən 12 dəvətnamə istəyir"

18 İyun 2026 10:05

Baxış: 3 410

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #KONSERT #BİLET

Müğənni İzzət Bağırov canlı efirdə səsləndirdiyi fikirlərlə diqqət çəkib.

Milli.Az xəbər verir ki, sənətçi konsert biletləri və tamaşaçı münasibəti ilə bağlı maraqlı açıqlamalar verib. Onun sözlərinə görə, bəzi imkanlı şəxslər üçün pulun xüsusi əhəmiyyəti yoxdur.

"O adam üçün pul heç nədir. İstəsə, bütün zalı bağlatdırıb konsertə tək baxar. Amma elə adam var ki, səndən dəvətnamə istəyir. Hətta bir yox, 12 dənə dəvətnamə tələb edir", - deyə ifaçı bildirib.

İzzət Bağırov əlavə edib ki, müğənnilər adətən ilk sıralardakı biletlərin satılmasına üstünlük verirlər. Çünki həmin yerlər ən bahalı kateqoriyaya aid olur və konsertin maddi tərəfinə ciddi dəstək verir.

Sənətçi xarici ifaçıların konsertlərinə marağın daha çox olduğunu da vurğulayıb. O qeyd edib ki, tamaşaçılar bəzi xarici sənətçilərin çıxışlarına 500 m xərcləyərək bilet alırlar.

İzzət Bağırovun bu fikirləri sosial şəbəkələrdə müzakirələrə səbəb olub və izləyicilər arasında fərqli rəylər doğurub.

Müəllif: Tural Hüseyn (Milli.Az redaktor)