İdman

Zidanın oğlunun maska ilə oynamasının səbəbi məlum olub

18 İyun 2026 00:41

Baxış: 374

VTB-də minimal faiz dərəcəsi ilə nağd kredit 9.9%-dən

#FUTBOL

1998-ci ildə Fransa milli komandasının tərkibində dünya çempionu olan Zinəddin Zidanın oğlu Luka Zidan Dünya Çempionatında debüt matçı keçirib.

Milli.Az oxu.az-a istinadən xəbər verir ki, 28 yaşlı qapıçı Əlcəzair milli komandasında oynayır, o, 2025-ci ilin sentyabrında idman vətəndaşlığını dəyişib.

Əlcəzair 2026-cı il Dünya Çempionatının ilk matçında Argentinaya 0:3 hesabı ilə məğlub olub. Zidan Lionel Messinin üç qolunu buraxıb, lakin hamının diqqətini qapıçının xüsusi qoruyucu maskada oynaması çəkib.

Məsələ burasındadır ki, İspaniya ikinci divizionunda "Qranada"da oynayan Zidan aprelin sonunda "Almeriya"ya qarşı matçda ciddi zədə alıb - çənəsi sınıb, həmçinin ağır beyin silkələnməsi alıb.

Onun 2026-cı il Dünya Çempionatında iştirakı sual altına düşüb, lakin Zidan turnirə qədər bərpa olunmağı bacarıb. Amma həkimlər ona yalnız üzünün bütün perimetrlərini örtən sərt qara maskada oynamağa icazə veriblər.

Zidan Əlcəzair milli komandasında özünün səkkizinci matçını keçirib və beş dəfə öz qapısını toxunulmaz saxlayıb.

Luka Zidan "Real Madrid"in yetirməsidir, eləcə də o, "Racinq" (Santander), "Rayo Valyekano" və "Eybar", Fransanın müxtəlif gənclər milli komandalarında oynayıb.

Müəllif: Ülkər Vəliyeva (Milli.Az redaktor)