Dünya

Həccə gedən 75 min nəfər geri qaytarıldı

2 İyun 2025 17:25
Baxış: 4 373
VTB-də minimal faiz dərəcəsi ilə nağd kredit 9.9%-dən
#DÜNYADA #SƏUDİYYƏ ƏRƏBİSTANI

Səudiyyə Ərəbistanı Daxili İşlər Nazirliyi "icazəsiz Həcc"ə qarşı aparılan yoxlamalar çərçivəsində 75 mindən çox insanın Həcc qaydalarını pozduqları üçün geri göndərildiyini açıqlayıb.

Milli.Az xəbər verir ki, Səudiyyə Ərəbistanının rəsmi xəbər agentliyi SPA-nın məlumatına görə, Daxili İşlər Nazirliyinin İctimai Təhlükəsizlik Müdiri general-leytenant Məhəmməd əl-Bəssami Məkkədə mətbuat konfransı keçirib.

Yaşayış icazəsi olan, lakin Həcc sənədi olmayan təxminən 270 min insanın Məkkəyə buraxılmadığını bildirən Bassami Həcc qaydalarını pozan 75 min 943 nəfərin geri göndərildiyini qeyd edib. Bassami həmçinin 252 saxta Həcc təşkilatı, 1239 qeyri-qanuni daşıyıcı və 109 mindən çox icazəsiz nəqliyyat vasitəsi aşkar etdiklərini bildirib.

Qeyd edək ki, səlahiyyətlilər builki Həcc dövründə təhlükəsizliyi təmin etmək üçün pilotsuz uçuş aparatları, süni intellekt dəstəkli analiz sistemləri və müşahidə kameraları da daxil olmaqla qabaqcıl texnologiya sistemlərinin istifadəyə verildiyini açıqlayıb.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.