Dünya

Trampdan tarixi qərar - Dərman qiymətləri ilə bağlı mühüm dəyişiklik - FOTO

12 May 2025 22:39

Baxış: 1 406

VTB-də minimal faiz dərəcəsi ilə nağd kredit 9.9%-dən

#DÜNYADA #TİBB #ABŞ #DƏRMAN #DONALD TRAMP

ABŞ-nin sabiq prezidenti Donald Tramp dərman sektorunu silkələyəcək yeni fərman imzalayıb.

Milli.Az xəbər verir ki, "Truth Social" platformasında paylaşım edən Tramp ölkə tarixində ən mühüm icra sərəncamlarından birini imzalayacağını bildirərək, reseptli dərman və əczaxana qiymətlərinin 30%-dən 80%-ə qədər endiriləcəyini açıqlayıb.

Trampın sözlərinə görə, bu fərman yalnız ABŞ üçün deyil, bütün dünyada dərman qiymətlərinə təsir edəcək. "Qiymətlər bütün dünyada artaraq bərabərlik yaradacaq və uzun illərdən sonra ilk dəfə Amerikaya ədalət gətirəcək", - deyə o, vurğulayıb.

Tramp paylaşımında uzun illərdir reseptlə satılan dərmanların ABŞ-də digər ölkələrlə müqayisədə 5-10 dəfə baha olduğunu xatırladıb:

"Bu həmişə izaholunmaz və utancverici olub. Eyni dərman eyni laboratoriyada istehsal olunur, amma ABŞ-də 10 qat baha satılır. Bunu izah etməyin yolu yoxdur" .

Tramp əczaçılıq şirkətlərinin uzun illər boyu tədqiqat və inkişaf (Ar-Ge) xərclərini əsas gətirərək qiymətləri süni şəkildə şişirtdiyini qeyd edib.

"Artıq bu yükü yalnız amerikalılar çəkməyəcək. Kampaniya töhfələri möcüzələr yarada bilər, amma mənimlə və Respublikaçılarla deyil," - deyə o sərt şəkildə bildirib.

Yeni fərmanla ABŞ-ın dərman qiymətlərini dünya üzrə ən aşağı qiymət ödəyən ölkənin səviyyəsinə endirəcəyi planlaşdırılır. Tramp bunun trilyonlarla dollar qənaətə səbəb olacağını və vətəndaşların səhiyyə xərclərinin minimuma düşəcəyini bildirib.

Tramp çıxışının sonunda ənənəvi şüarını təkrarlayaraq bildirib:

"Amerikaya nəhayət ədalətli davranılacaq. Səhiyyə sektoru dəyişəcək. Amerikanı yenidən möhtəşəm edək!"

Fidan
Milli.Az