Kulinariya

Qaymaqlı quru əncir şirniyyatı resepti

22 May 2026 22:00

Baxış: 1 568

VTB-də minimal faiz dərəcəsi ilə nağd kredit 9.9%-dən

#KULİNARİYA

Qaymaqlı quru əncir şirniyyatı, əncirin təbii şirinliyi və təzə qaymağın möhtəşəm uyğunluğu ilə hazırlanır. Az ərzaqla dəqiqələr ərzində başa gələn bu resept həm görünüşü, həm də dadı ilə süfrələrinizin ən sevilən təamlarından birinə çevriləcək. Yumşaq əncirin daxilindəki xırtıldayan qoz ləpəsi hər tikədə fərqli bir ləzzət bəxş edir. Şərbətini tam çəkən əncirlər soyuduqdan sonra üzərinə qoyulan qaymağın təravəti ilə dadını daha da artırır.

Milli.Az lazım olan məhsulları təqdim edir:

20 ədəd quru əncir

1 su stəkanı qoz ləpəsi

Yarım su stəkanı şəkər tozu

1.5 su stəkanı su

2-3 damcı limon şirəsi

Üzəri üçün:

100 qram təzə qaymaq

Toz püstə (Antep fıstığı)

Hazırlanma qaydası
Quru əncirləri dərin bir qaba və ya qazana qoyun, üzərinə çıxacaq qədər qaynar su əlavə edin. Tam yumşalmaları üçün təxminən 10 dəqiqə suyun içində saxlayın. Sonra əncirlərin suyunu süzün, saplaq hissələrini kəsib atın və əlinizlə yüngülcə basdıraraq formaya salın.

Yumşalmış əncirlərin orta hissəsini baş barmağınızla açaraq çökəklik yaradın və daxilinə bir ədəd bütöv qoz ləpəsi (və ya iri parçalanmış qoz) yerləşdirib sıxın. Hazırladığınız əncirləri geniş dibli bir qazana yan-yana düzün. Üzərlərinə şəkər tozunu səpin, suyunu və limon şirəsini əlavə edin.

Qazanı orta atəşli ocağın üzərinə qoyun. Şərbət qaynamağa başladıqdan sonra ocağın altını azaldın. Əncirlər şərbətini çəkib yumşalana qədər təxminən 20-25 dəqiqə qapağı qapalı şəkildə bişirin. Bişən şirniyyatı ocaqdan götürüb tam soyumağa buraxın.

Soyuyan əncirləri servis boşqabına düzün. Hər birinin üzərinə bir dad qaşığı təzə kənd qaymağı qoyun. Sonda üzərinə toz püstə səpərək süfrəyə təqdim edin.

Nuş olsun!

Lalə Qüdrətova
Milli.Az