Ermənistan

Paşinyandan Sumqayıt və Gəncə ilə bağlı iddialara cavab

22 May 2026 18:48
Baxış: 398
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Ermənistanın Baş naziri Nikol Paşinyan yenidən seçiləcəyi halda Qərbi azərbaycanlıların bu ölkəyə qayıdışının təmin olunacağı ilə bağlı iddiaları təkzib edib.

Milli.Az globalinfo.az-a istinadla xəbər verir ki, baş nazir bunu jurnalistlərə açıqlamasında deyib.

Paşinyan "Güclü Ermənistan" alyansının rəhbəri Samvel Karapetyanın mövzu ilə bağlı səsləndirdiyi fikirlərə cavab verib:

"Ermənistan hakimiyyəti belə bir öhdəlik götürməyib və bu iddialar yalandır".

Baş nazirə "Hakimiyyətiniz dövründə Ermənistanda azərbaycanlıların məskunlaşdırılmayacağına zəmanət verirsinizmi" sualı da ünvanlanıb.

"Bəli, zəmanət verirəm. Qarabağ məsələsi bağlanıb və artıq davam etməyəcək. Qarabağa, Naxçıvana, Bakıya, Sumqayıta, Gəncəyə, Yevlaxa və digər yerlərə dönüş məsələsi gündəmdə olmayacaq. Bu məsələ münaqişə mövzusudur, sülh deyil. Bu qədər aydındır".

Qeyd edək ki, bundan əvvəl "Güclü Ermənistan" blokunun üzvləri hazırkı hökumətin azərbaycanlıların Ermənistana köçürülməsi ilə bağlı öhdəlik götürdüyünü iddia etmişdi.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.