Dünya

Rus generalın öldürüldüyü həmin maşın azərbaycanlıya satılıbmış - TƏFƏRRÜAT

25 Aprel 2025 23:57

Baxış: 1 705

VTB-də minimal faiz dərəcəsi ilə nağd kredit 9.9%-dən

#HADİSƏ #RUSİYA

Xəbər verdiyimiz kimi, bu gün Moskvada rus general öldürülüb.

Milli.Az telegram kanalı "Mash"a istinadən xəbər verir ki, Moskva vilayətinin Balaşixa şəhərində baş vermiş avtomobil partlayışının ilkin səbəbi kimi qaz balonunun partlaması göstərilsə də, sonradan insidentin arxasında pilotsuz uçuş aparatının (PUA) olduğu iddia edilir.

Partlayış zamanı "Volkswagen" markalı avtomobilin içinə yerləşdirilmiş PUA vasitəsilə uzaqdan idarə edilən partlayıcı qurğu işə salınıb. Hadisə zamanı zərərçəkmiş şəxsin girişdən çıxdığı bildirilir.

Hadisə yerindən əldə edilən məlumatlara əsasən, Rusiya Silahlı Qüvvələrinin Baş Qərargahının Baş Əməliyyat İdarəsinin rəis müavini, general-leytenant Yaroslav Moskalik ölüb. Bu məlumat hələlik rəsmi olaraq təsdiqlənməyib.

Avtomobilin əvvəlki sahibi, 35 yaşlı Marqarita V., köhnə "Volkswagen"i hələ yanvar ayında Azərbaycandan gəlmiş bir qonağa satdığını bildirib. Daha sonra avtomobil 26 yaşlı kişinin əlinə keçib və o, xarici avtomobili bir həftə sonra yenidən satıb. Avtomobilin sonuncu sahibi Ukrayna ilə sərhəddə yerləşən Sumı şəhərinin 40 yaşlı sakini olub.

Bəzi məlumatlara görə, maşının sonuncu sahibi Rusiya pasportunu hələ 2015-ci ildə alıb. O da məlumdur ki, o, əvvəllər Mariupolda "Azovstal"da, ixtisar olunduqdan sonra isə mütəmadi olaraq Rusiyada yarımştat işləyib. Avtomobil sui-qəsd cəhdindən bir neçə gün əvvəl girişdə peyda olub.

Partlayışın dəqiq səbəbləri və hücumun kim tərəfindən törədildiyi ilə bağlı istintaq davam edir.

Hadisə yerində PUA-ya məxsus təsiredici elementlərin izləri aşkar olunub.

Rusiya hüquq-mühafizə orqanları məsələyə dair rəsmi açıqlama verməyiblər.

Fidan
Milli.Az