Dünya

Trampın yaxın adamının çantası oğurlandı - İçində görün nələr olub

23 Aprel 2025 17:54

Baxış: 1 730

VTB-də minimal faiz dərəcəsi ilə nağd kredit 9.9%-dən

#DÜNYADA #OĞURLUQ #ABŞ

Aaprelin 20-də axşam saatlarında, ABŞ-nin Daxili Təhlükəsizlik Katibi Kristi Noemə məxsus çanta Vaşinqtonun mərkəzindəki restoranda oğurlanıb.

Milli.Az xəbər verir ki, Hüquq-mühafizə orqanlarından CNN-ə danışan mənbənin bildirdiyinə görə, Kristi Noemin mühafizəsinə cavabdeh olan gizli xidmət restorandakı müşahidə kameralarını nəzərdən keçirib və maskalı bir şəxsin çantanı oğurlayıb hadisə yerindən çıxdığını müəyyənləşdirib.

Məlumata əsasən, oğru çantada olan aşağıdakı əşyaları aparıb:

Kristi Noemin sürücülük vəsiqəsi,

Dərmanları,

Mənzil açarları,

Pasportu,

Daxili Təhlükəsizlik Nazirliyinə giriş kartı,

Kosmetika çantası,

Blank çeklər,

Təxminən 3000 ABŞ dolları (təqribən 5100 manat) miqdarında nağd pul.

Kristi Noem hadisə ilə bağlı Ağ Evdə keçirilən Pasxa tədbiri zamanı jurnalistlərə açıqlama verərək, çantasının oğurlandığını təsdiqləyib və istintaqın davam etdiyini bildirib.

Qeyd edək ki, 2024-cü ilin noyabrında, vəzifəsinin icrasına başlamazdan əvvəl, ABŞ Prezidenti Donald Trump, Cənubi Dakota qubernatoru Kristi Noemi yeni Daxili Təhlükəsizlik Katibi vəzifəsinə təyin etmişdi.

Donald Trump Noem haqqında demişdi:

"O, sərhəd təhlükəsizliyi məsələsində olduqca qətiyyətlidir".

Kənan
Milli.Az