Dünya

ABŞ-də "cadugər ovu": GİZLİ TELEQRAM ortaya çıxdı

13 Aprel 2025 12:30
Baxış: 1 172
VTB-də minimal faiz dərəcəsi ilə nağd kredit 9.9%-dən
#DÜNYADA #SOSİAL ŞƏBƏKƏLƏR #ABŞ #TELEGRAM MESSENGER LLP

ABŞ Dövlət Departamentinin divarları arasında əsl qalmaqal alovlanır. Belə ki, qurumda faktiki olaraq "cadugər ovu" elan edilib. İşçilər, əgər həmkarları "antixristian meyillər" göstərirlərsə, onlar haqqında anonim şəkildə məlumat verməyə çağırılırlar.

Milli.Az oxu.az-a istinadən xəbər verir ki, bu barədə "Politico" nəşri Dövlət Departamentinin əməkdaşlarına göndərilən teleqrama istinadən xəbər verib.

Teleqramın mətninə görə, Departament əməkdaşların anonim hesabatları vasitəsilə antixristian meyillərin nümunələrini toplayacaq.

Eyni zamanda, işçilərdən təfərrüat - "antixristian hadisəsinin" baş verdiyi dəqiq vaxtı, tarixi, yeri və bu işi görənin adını bildirmək xahiş olunur.

Qeyd olunur ki, bu təşəbbüs, ABŞ Prezidenti Donald Trampın ölkə hökumətində "qanunsuz antixristian təcrübələrinin" aradan qaldırılması haqqında fərmanının birbaşa nəticəsidir. Fərmanın tənqidçiləri iddia edirlər ki, bu cür tədbirlər faktiki olaraq dövlət strukturlarında dini ayrı-seçkilik yaradır ki, bu da ABŞ Konstitusiyasına birbaşa ziddir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.