Dünya

ABŞ Meksikaya hücuma hazırlaşır? - Hədəfdə bu yerlər var

9 Aprel 2025 11:13

Baxış: 1 263

VTB-də minimal faiz dərəcəsi ilə nağd kredit 9.9%-dən

#ABŞ #DONALD TRAMP #MEKSİKA

ABŞ prezidenti Donald Tramp administrasiyasının Meksikadakı narkotik kartellərinə qarşı pilotsuz uçuş aparatları (PUA) ilə hücum planları hazırladığı bildirilir.

Milli.Az xarici mediaya istinadla xəbər verir ki, mövzu ilə bağlı NBC News-a danışan ABŞ-ın hazırkı və keçmiş təhlükəsizlik rəsmiləri bildirib ki, bu əməliyyatların Meksika hökumətinin razılığı ilə həyata keçirilməsi nəzərdən keçirilir. Bununla belə, birtərəfli hərbi müdaxilə ehtimalı da masada qalır.

Mənbələrə görə, Trampın komandası kartel üzvləri və onların logistik şəbəkələrinə qarşı dron zərbələri endirməyi müzakirə edir. Hücumların hədəfinə narkotik daşıyan nəqliyyat vasitələri, anbarlar və laboratoriyalar da daxil edilə bilər.

ABŞ rəsmiləri Meksika hökumətinin razılığı olmadan hərbi əməliyyat keçirmək ehtimalının da istisna olunmadığını bildiriblər. Lakin belə bir addımın iki ölkə arasında diplomatik gərginlik yaradacağı və miqrasiya, təhlükəsizlik kimi sahələrdə əməkdaşlığa zərbə vuracağı qeyd olunur.

Xatırladaq ki, fevral ayında ABŞ Mərkəzi Kəşfiyyat İdarəsi (CIA) Meksikadakı fentanil laboratoriyalarına qarşı gizli PUA uçuşları həyata keçirmişdi. Rəsmilər bu uçuşların öldürücü hücum məqsədi daşımadığını, yalnız məlumat toplamaq və bu məlumatları Meksika hakimiyyəti ilə bölüşmək məqsədi daşıdığını bildirib.

Fidan
Milli.Az