Dünya

14 ildən sonra Putindən bir ilk - 160 min kişini...

2 Aprel 2025 11:59
Baxış: 1 603
VTB-də minimal faiz dərəcəsi ilə nağd kredit 9.9%-dən
#RUSİYA #HƏRBİ QULLUQÇU #RUSİYA-UKRAYNA MÜHARİBƏSİ

Rusiya Prezidenti Vladimir Putin 2011-ci ildən bəri ən genişmiqyaslı hərbi çağırış edərək 18-30 yaş aralığında 160 min kişini orduya səfərbər edib.

Milli.Az xəbər verir ki, Putin daha əvvəl Rusiya ordusunun ümumi sayının 2,39 milyona, aktiv hərbçi sayısının isə 1,5 milyona çatdırılmalı olduğunu bildirmişdi. Qarşıdakı üç il ərzində Rusiyanın ordu sıralarına 180 min nəfər əlavə olunacaq.

BBC-nin məlumatına görə, hər il yaz və payız aylarında çağırış həyata keçirən Moskva eyni zamanda muzdlu əsgərləri orduya cəlb etməklə yanaşı, Şimali Koreyadan da minlərlə əsgər gətirir.

2022-ci ilin fevralında Ukrayna ilə münasibətləri korlanan Rusiya bu müddət ərzində ordunun sayını üç dəfə artırıb. Ötən il ölkədə orduya çağırış yaşı 27-dən 30-a qaldırılıb.

Çağırış vərəqələri gənclərə həm poçt vasitəsilə, həm də dövlət xidmətlərinin "Gosuslugi" internet platforması üzərindən göndəriləcək. Rusiya Silahlı Qüvvələrinin nümayəndəsi Tümamiral Vladimir Tsimlyanski yeni çağırışçıların Ukraynada döyüşə göndərilməyəcəyini açıqlayıb.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.