Dünya

Baliyə getmək istəyənlərin NƏZƏRİNƏ: yeni qaydalar var

25 Mart 2025 09:47
Baxış: 1 184
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #TURİZM #TURİST

İndoneziyanın Bali əyalətinin hökuməti xarici turistlər üçün yeni qaydaların əks olunduğu sənəd dərc edib.

Milli.Az oxu.az-a istinadən xəbər verir ki, bu barədə "Antara" agentliyi məlumat yayıb.

Məlumata görə, sənəd əcnəbi turistlərdən ölkənin mədəniyyətinə və adət-ənənələrinə hörmət nümayiş etdirməyi, xüsusən də dini obyektlərə, attraksionlara və ictimai yerlərə səfər edərkən uyğun geyimdə olmağı tələb edir.

Sənəddə, həmçinin qeyd olunur ki, turistlər lisenziyalı bələdçilərdən istifadə etməli, valyuta əməliyyatları üçün rəsmi valyutadəyişmə məntəqələrindən yararlanmalı, ödənişləri yalnız yerli valyuta ilə etməlidirlər.

Bali hökuməti xarici turistləri yerli yol hərəkəti qaydalarına əməl etməyə, yol nişanlarına diqqətlə yanaşmağa, motosiklet sürərkən dəbilqə taxmağa, nəqliyyat vasitələrinin müəyyən edilmiş sərnişin tutumunu aşmamağa və sərxoş halda avtomobil idarə etməməyə çağırıb.

Bununla yanaşı, xarici turistlərdən əyalətdə qaldıqları müddətdə 150 000 İndoneziya rupisi (təxminən 10 dollar) rüsum ödəmələri tələb edilir.

Bali qubernatoru Vayan Kosterin qeyd edib ki, əyalətə səfər qaydalarını pozan turistlər yerli qanunvericiliyə uyğun olaraq ciddi şəkildə cəzalandırılacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.