Dünya

Prezidentə görə saçlarını qırxdılar - VİDEO

12 Mart 2025 16:10

Baxış: 1 202

VTB-də minimal faiz dərəcəsi ilə nağd kredit 9.9%-dən

#DÜNYADA #VİDEO #CƏNUBİ KOREYA

Şüarlarla dolu aksiyanın ən diqqətçəkən anı isə etirazçıların başlarını keçəl qırxdıqları məqam olub. Cənubi Koreyada başın qırxılması, sona qədər mübarizə aparmaq və qətiyyət nümayiş etdirmək rəmzi hesab edilir.

Milli.Az xarici mediaya istinadla xəbər verir ki, Konstitusiya Məhkəməsinin binası qarşısında keçirilən bu aksiyaya qadınlar da qoşulub. Onlar Prezident Yun Sok-Yola qarşı impiçment prosesinin ləğv edilməsini və onun səlahiyyətlərinin bərpa olunmasını tələb ediblər.

Xatırladaq ki, Cənubi Koreya Prezidenti Yun Sok-Yol müxalifəti qiyama yönələn fəaliyyətdə günahlandıraraq, ötən il dekabrın 3-də ölkədə fövqəladə hərbi vəziyyət elan etmişdi. Lakin parlamentin müdaxiləsi ilə prezident hərbi vəziyyət rejimini ləğv etməyə məcbur olub. Dekabrın 14-də isə Koreya parlamenti Prezident Yun Sok-Yola impiçment elan edib.

İndi isə ölkənin Konstitusiya Məhkəməsi impiçment qərarını təsdiq edib-etməməyə dair yekun qərar verməlidir.

Bu prosesin 6 aya qədər davam edə biləcəyi bildirilir.

Milli.AZ