Dünya

ABŞ-də 12 ştatda qızılca tüğyan edir

10 Mart 2025 08:52

Baxış: 578

VTB-də minimal faiz dərəcəsi ilə nağd kredit 9.9%-dən

#ABŞ

Xüsusilə ABŞ-ın Texas və Nyu-Meksiko ştatlarında təsirli olan qızılca xəstəliyinin son həftələrdə artaraq 12 ştata yayıldığı, ölkə daxilində aşkar edilən ümumi yoluxma sayının 222-yə çatdığı bildirilib.

Milli.Az xəbər verir ki, bununla bağlı ABŞ Xəstəliklərə Nəzarət və Qarşısının Alınması Mərkəzləri (CDC) açıqlama verib.

CDC-nin rəsmi saytında verilən açıqlamada, ölkə daxilində əksəriyyəti uşaq olmaqla artıq 222 hadisənin aşkar edildiyi bildirilir.

Qızılcanın Texas və Nyu-Meksiko ştatlarında, həmçinin Alyaska, Kaliforniya, Florida, Corciya, Kentukki, Nyu-Cersi, Nyu-York, Pensilvaniya, Rod-Aylend və Vaşinqtonda da rast gəlindiyi qeyd edilib.

Açıqlamada Texasda bir uşaq və Nyu-Meksikoda bir yeniyetmənin qızılcadan öldüyü bildirilir. /APA

Milli.Az