PUL
.jpg)
Amerikanın "FedEx" kuryer şirkətinə məxsus təyyarə Newark Hava Limanından havaya qalxdıqdan qısa müddət sonra FedEx təyyarəsinin mühərriki qəfil alovlanıb, bu da təcili enişə səbəb olub.
Milli.Az xəbər verir ki, hadisə yerindən çəkilmiş görüntülərdə Boeing 767-3S2F tipli təyyarənin sağ mühərrikindən alov püskürdüyü və saat 08:00 radələrində sürətlə yenidən eniş zolağına yönəldiyi görünür.
New York və New Jersey Liman İdarəsi ilə FedEx-in verdiyi məlumata görə, qəfil alovlanmaya quşun mühərrikə çırpılması səbəb olub.
"Newarkdan Indianapolisə uçan FedEx 3609 reysi havaya qalxarkən quşla toqquşma yaşadı. Ekipajımız təcili vəziyyət elan edərək təhlükəsiz şəkildə Newark-a qayıtdı. Biz ekipajımızın və ilk yardım qruplarının sürətli hərəkətlərinə görə minnətdarıq," - FedEx nümayəndəsi The Post-a bildirib.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
