Dünya

Min illərlə gizlədilmiş nəhəng piramida AŞKARLANDI - FOTO

13 Fevral 2025 07:01

Baxış: 1 423

VTB-də minimal faiz dərəcəsi ilə nağd kredit 9.9%-dən

#DÜNYADA #TARİX

Peruda arxeoloqlar müqəddəs Caral şəhərinin yaxınlığında, Supe vadisindəki Chupacigarro ərazisində min illərlə yerin altında qalmış nəhəng piramida aşkar ediblər. Bu mühüm kəşf Amerika qitəsindəki ən qədim inkişaf etmiş sivilizasiya haqqında yeni anlayışlar təqdim edir.

Milli.Az türk mətbuatına istinadla xəbər verir ki, tədqiqatçılar piramidanı "huancas" adlanan dayanıqlı daşları görəndə aşkarlayıblar. Bu daşlar həm binanın əsas künclərini müəyyənləşdirir, həm də ərazinin dini mərasimlər üçün istifadə olunduğunu göstərir. Ən maraqlı tapıntılardan biri isə torpağa həkk olunmuş 62 metr uzunluğunda və 30 metr enində nəhəng insan başı təsviridir.

Qədim dövrlərdə piramida kiçik bir çayın kənarında inşa edilmiş və həm su mənbəyi, həm də daxili bölgələrlə sahillər arasında ticarət yolu kimi istifadə olunmuşdur. Alimlər bu ərazinin Caral sivilizasiyasına aid olduğunu düşünürlər. Caral min ildən çox hökmranlıq etmiş və yüksək inkişaf etmiş bir ictimai quruluşa sahib olmuşdur.

Peru hökuməti ümid edir ki, bu kəşf turizmi canlandıracaq və regiona olan marağı artıracaq. Arxeoloqlar isə qazıntıları davam etdirərək bu qədim sivilizasiyanın sirrlərini açmağa çalışırlar.

Fidan
Milli.Az