Dünya

ABŞ-də fövqəladə vəziyyət elan edildi - Ölənlər var

7 Yanvar 2025 10:30

Baxış: 1 121

VTB-də minimal faiz dərəcəsi ilə nağd kredit 9.9%-dən

#DÜNYADA #HAVA #ABŞ

ABŞ-nin mərkəzi bölgələrindən şərq sahilinə qədər uzanan çovğun 13 ştatda həyatı iflic edib. Şiddətli soyuqlar və qar yağışı səbəbindən baş verən qəzalarda ən azı üç nəfər həlak olub, 31 nəfər isə xəsarət alıb.

Milli.Az xəbər verir ki, həftəsonundan başlayaraq Missuri və Kanzas ştatlarını vuran qar fırtınası indi Merilend, Delaver və Vaşinqton D.C.-yə qədər genişlənib. Kentukki, Virciniya, Kanzas, Arkanzas və Missuri kimi ştatlara Qərbi Virciniya və Nyu Cersi də fövqəladə vəziyyət elan edənlər siyahısına əlavə olunub.

ABŞ paytaxtının bəzi bölgələrində qarın qalınlığı 40 sm-ə çatıb. Dövlət məktəbləri və federal ofislər bağlanıb, şəhər meri Muriel Bouzer əsas prioritetin küçələrin qardan təmizlənməsi olduğunu bildirib və sakinləri mümkün qədər evdə qalmağa çağırıb.

1400 uçuş ləğv edilib, 750-dən çox reys gecikib.

ABŞ Milli Okean və Atmosfer Administrasiyasının (NOAA) proqnozlarına görə, qarın təsirinin bu gündən sonra azalacağı gözlənilir. Lakin mənfi 7 ilə mənfi 14 dərəcə Selsi arasında dəyişən qütb soyuqları bir müddət daha davam edəcək.

ABŞ prezidenti Co Bayden və Ağ Ev komandası vəziyyəti yaxından izləyir və yerli hakimiyyət orqanları ilə əməkdaşlıq edir.

Fidan
Milli.Az