Trüdo partiya lideri vəzifəsindən istefa verdi

21:24

Kanadanın baş naziri Castin Trüdo Liberal Partiyasının lideri vəzifəsindən istefa verib.

Milli.Az report-a istinadən xəbər verir ki, o, yeni lider seçilənə qədər səlahiyyətlərini icra edəcək.

Trüdo baş nazir postunda qalacaq.

Qeyd edək ki, o, ərzağın artan qiymətləri və ölkədəki mənzil böhranı səbəbindən deputatların etirazından sonra Kanadanın hakim partiyasının lideri vəzifəsindən istefa verdiyini açıqlayıb.

Xatırladaq ki, dekabrın 16-da Baş nazirin müavini və maliyyə naziri Kristia Friland Trüdo onu başqa vəzifəyə keçirmək qərarına gəldiyi üçün istefa verdiyini açıqlayıb. Həmin gün Mənzil, İnfrastruktur və İcmalar naziri Şon Freyzer hökumətdən istefa verdiyini açıqlayıb.

Bu ardıcıl istefalar müxalifətin və bir sıra ictimai xadimlərin tənqidinə səbəb olub. Onlar kabinetinə nəzarət edə bilmədiyi üçün Baş nazirin dərhal istefasını tələb ediblər. Eləcə də, bir neçə liberal deputat Trüdonun Kanada Liberal Partiyasının rəhbəri vəzifəsindən getməsinin lehinə çıxış edib.

Həmin axşam siyasətçi postunu tərk etmək fikrində olmadığını açıqlayıb. Dekabrın sonunda Kanada Yeni Demokratik Partiyasının lideri, əvvəllər Trüdoya sadiq olan Caqmet Sinq də söz vermişdi ki, onun partiyası 2025-ci ildə hökumətin istefasına səs verəcək.

--------
08:59

Kanadada Baş nazir Castin Trüdo yanvarın 6-da Liberal Partiyasının rəhbəri vəzifəsindən istefa verə bilər.

Milli.Az report-a istinadən xəbər verir ki, siyasətçi bu postu milli partiyanın qurultayına qədər tərk etməyi planlaşdırır.

Bundan əvvəl Kanada Liberal Partiyasının deputatlarının çoxu Trüdonun istefasını tələb edib.

Qeyd edək ki,2024-cü ilin dekabrın 16-da Baş nazirin müavini və maliyyə naziri Kristia Friland Trüdo onu başqa vəzifəyə keçirmək qərarına gəldiyi üçün istefa verdiyini açıqlayıb. Həmin gün Mənzil, İnfrastruktur və İcmalar naziri Şon Freyzer hökumətdən istefa verdiyini açıqlayıb.

Bu, Baş nazirin kabinetinə nəzarət edə bilmədiyi üçün onun dərhal istefasını tələb edən müxalifətin və bir sıra ictimai xadimlərin tənqidinə səbəb olub. Üstəlik, bir neçə liberal deputat Trüdonun Kanada Liberal Partiyasının rəhbəri vəzifəsindən getməsinin lehinə çıxış edib.

Həmin axşam siyasətçi postunu tərk etmək fikrində olmadığını açıqlayıb. Dekabrın sonunda Kanada Yeni Demokratik Partiyasının lideri, əvvəllər Trüdoya sadiq olan Caqmet Sinq də söz vermişdi ki, onun partiyası 2025-ci ildə hökumətin istefasına səs verəcək.

Milli.Az