Dünya

Avropada səyahət etmək üçün ən ucuz 10 şəhər

13 Oktyabr 2024 04:04

Baxış: 1 918

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #TURİZM #İSTİRAHƏT #TURİST

Dünyada qiymətlərin artması və qeyri-sabit valyuta məzənnələri fonunda turistlər üçün səyahət getdikcə bahalaşır. Buna baxmayaraq, Avropada hələ də aşağı büdcə ilə ziyarət edə biləcəyiniz çox gözəl yerlər var.

Milli.Az lent.az-a istinadən bildirir ki, turistlərə beynəlxalq qatar biletləri təqdim edən xidmət "Eurail" 2024-cü ildə Avropanın ən ucuz 10 şəhərinin siyahısını hazırlayıb.

Reytinqdə bir turistə düşən orta gündəlik xərc 36,49 avro təşkil edən Bolqarıstanın paytaxtı Sofiya başçılıq edir. Bununla belə, şəhər qonaqlara bəzi pulsuz xidmətlər təklif edir - yerli incəsənət qalereyasına pulsuz girişdən məşhur Banya Başı bulaqlarından pulsuz isti mineral suya qədər.

Siyahıda ikinci yeri səyahətçilərin gündə orta hesabla 38,67 avro xərclədiyi Rumıniyanın paytaxtı Buxarest, üçüncü yeri isə hər birinin gündəlik turist xərcləri 43,48 avro olan iki şəhər - Polşanın Krakov və Macarıstanın paytaxtı Budapeşt bölüşdürüb.

2024-cü ildə Avropanın ən ucuz 10 şəhəri:

Sofiya, Bolqarıstan (36,49 avro).

Buxarest, Rumıniya (38,67 avro).

Krakov, Polşa (43,48 avro).

Budapeşt, Macarıstan (43,48 avro).

Sarayevo, Bosniya və Herseqovina (45,67 avro).

Belqrad, Serbiya (46,62 avro).

Zaqreb, Xorvatiya (51,41 avro).

Varşava, Polşa (52,3 avro).

Bratislava, Slovakiya (56,51 avro).

Çeski Krumlov, Çexiya (69,99 avro).

Milli.Az