PUL
ABŞ-ın vitse-prezidenti Kamala Harris də ABŞ lideri Co Bayden kimi Hizbullah lideri Həsən Nəsrullahın ölümünə səbəb olan zərbəni həyata keçirən İsrail qüvvələrinin hərəkətlərini dəstəkləyib.
Milli.Az axar.az-a istinadən xəbər verir ki, bu barədə Harris çıxışı zamanı bildirib.
"Nəsrullah əlləri amerikalının qanına batmış bir terrorçu idi. Onilliklər ərzində onun Hizbullaha rəhbərliyi Yaxın Şərqdə sabitliyi pozdu və Livan, İsrail, Suriya və dünyanın hər yerində onlarla günahsız insanın qətlinə səbəb oldu. Mən həmişə İsrailin İran, Hizbullah, HƏMAS və husilər kimi İranın proksi-qüvvələrindən müdafiə hüququnu dəstəkləyəcəyəm. Prezident Bayden və mən Yaxın Şərqdəki münaqişənin daha da genişlənməsini istəmirik. Biz İsrail-Livan sərhədində diplomatik nizamlama axtarırıq ki, hər iki tərəfdəki insanlar öz evlərinə qayıda bilsinlər. Diplomatiya mülki insanları qorumaq və regionda sabitliyi təmin etmək üçün ən yaxşı üsul olaraq qalır", - Harris qeyd edib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
