Dünya

Söz oyunu yaxşı nəticəyə gətirib çıxarmaya bilər - Rusiyadan Ermənistana xəbərdarlıq

4 Sentyabr 2024 13:10

Baxış: 1 250

#RUSSİA #RUSİYA

"Rusiya KTMT çərçivəsində Ermənistanla tərəfdaşlığın tam bərpa ediləcəyinə ümid edir".

Milli.Az qafqazinfo-ya istinadən xəbər verir ki, bunu həftəlik brifinqdə çıxışı zamanı Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Onun sözlərinə görə, Ermənistan de-yure KTMT-nin tamhüquqlu üzvü olaraq qalır və müvafiq hüquq və öhdəliklərə sahibdir:

"Ermənistan rəhbərliyi bu cür qarşılıqlı fəaliyyətdən uzaqlaşmaq xəttində qalmağa davam edir ki, bu da, zənnimizcə, erməni xalqının maraqlarına ziddir. Söz oyunu yaxşı nəticəyə gətirib çıxarmaya bilər, xüsusən də nəzərə alsaq ki, region bir sıra sınaqlardan keçib".

Qeyd edək ki, Ermənistanın Baş naziri Nikol Paşinyan öz açıqlamasında bildirib ki, hazırkı mərhələdə Ermənistanın KTMT-də öz iştirakını dondurması qərarı kifayət edir, lakin bu o demək deyil ki, İrəvan gələcəkdə başqa qərarın verilməsini istisna edir.

Milli.Az
Xəbərlərimizi WhatsApp kanalımızdan da oxuyun