Dünya

Yaponiyada güclü qasırğa: 336 aviareys... - yaralananlar var

29 Avqust 2024 08:47

Baxış: 540

#YAPONİYA

Yaponiyanın cənub-qərbindəki Kyuşu adasının yaxınlığında tüğyan edən güclü "Şanşan" qasırğası səbəbindən ən azı 336 aviareys təxirə salınıb.

Milli.Az report.az-a istinadən xəbər verir ki, avqustun 29-na olan cədvəl dəyişikliklərinin əsas hissəsi Yaponiyanın böyük aviadaşıyıcıları "JAL" və "ANA"nın üzərinə düşüb.

"Jetstar Japan" və "Peach Aviation" kimi aşağı büdcəli aviaşirkətlər də bir neçə uçuşu ləğv ediblər. Avqustun 28-də Yaponiyada baş verən tayfun səbəbindən 230 aviareys ləğv edilib.

İndi Şanşan Kyuşu adasının qərbində yerləşir və sahil boyunca şimala doğru irəliləyir. Tayfun ərazisində küləyin sürəti 50-70 m/s-ə çatır. Sinoptiklərin proqnozlarına görə, Kyuşu adasının bəzi rayonlarında yağıntının intensivliyi sutkada 400-600 mm-dir.

"Yomiuri" qəzeti isə bildirib ki, qasırğa 16 nəfərin xəsarət almasına səbəb olub. Ümumilikdə təxminən 2,25 milyon sakin evlərini tərk etmək və adətən təhsil müəssisələrində yerləşən evakuasiya mərkəzlərinə köçmək üçün tövsiyələr alıb.

Milli.Az
Xəbərlərimizi WhatsApp kanalımızdan da oxuyun