Tramp milyarder İlon Maska geniş müsahibə verdi

ABŞ-da prezidentliyə namizəd olan Respublikaçılar Partiyasının nümayəndəsi Donald Tramp milyarder İlon Maska geniş müsahibə verib.

Milli.Az xəbər verir ki, bu müsahibə X sosial şəbəkəsində yayımlanıb.

Müsahibə zamanı Tramp, xüsusilə, hazırkı ABŞ prezidenti Co Baydeni Rusiyanın tammiqyaslı hərbi müdaxiləsindən əvvəl Ukraynanın NATO-ya üzv ola biləcəyi ilə bağlı açıqlamasına görə tənqid edib.

"Mən vəzifədən gedəndən sonra onlar Ukrayna sərhədində böyük bir ordu formalaşdırmağa başladılar, düzdür? Mən buna baxırdım və düşünürdüm ki, Putin bunu edir, çünki o, danışıqlar aparmağı bacarır. Düşünürdüm ki, o, bunu danışıqlar aparmaq üçün edir. Amma sonra Bayden ağılsızlıq etməyə başladı. Məsələn, o dedi ki, Ukrayna NATO ölkəsi ola bilər. Amma Rusiya, NATO-nun mövcud olduğu bütün dövr ərzində deyir ki: 'Biz buna heç vaxt razı olmayacağıq'. Biz isə götürüb bunu deyirik," - deyə Tramp bildirdi.

Tramp qeyd etdi ki, ABŞ bu cür bəyanatla çıxış edib, çünki ölkəni "aşağı IQ-yə malik olan prezident, çox aşağı IQ-yə malik olan prezident" idarə edir. "Yeri gəlmişkən, onun IQ-si 30 il əvvəl də aşağı idi. Amma indi, bəlkə də, ümumiyyətlə, IQ-si yoxdur," - deyə Tramp əlavə etdi.

ABŞ prezidentliyinə namizəd həmçinin bildirdi ki, Rusiya ABŞ-la birlikdə İkinci Dünya Müharibəsində Almaniyanı, eləcə də Napoleonun ordularını məğlub edib. Onun fikrincə, Rusiya "güclü döyüşməyi" bacarır. "Ukraynada isə indi kişilər çatışmır. Buna görə də döyüşə gənclər və yaşlılar gedir," - deyə Tramp vurğuladı.

Müsahibə zamanı Tramp, həmçinin ABŞ prezidenti olduğu dövrdə Putini Ukraynaya hücum etməkdən çəkindirdiyini də açıqladı.

"Mən Vladimir Putinə dedim: "Bunu etmə. Sən bunu edə bilməzsən, Vladimir. Əgər bunu etsən, pis günlər gələcək. Bunu etmə". Və mən ona cavabında nə edəcəyimi dedim. O isə dedi: 'Bu mümkün deyil.' Mən isə dedim: "Mümkündür". Və bilirsiniz, bu bizim sonuncu danışığımız oldu. O bunu heç vaxt etməzdi [əgər mən prezident olaraq qalsaydım]... Mən onunla yaxşı yola gedirdim. Ümid edirəm ki, indi də onunla yola gedəcəm. Mən Kim Çen Inla da yaxşı münasibətdə idim," - deyə Tramp bildirdi.
Donald Tramp müsahibəsinin əksər hissəsini ona qarşı son zamanlar edilmiş sui-qəsd cəhdi və ABŞ iqtisadiyyatında dövlət tənzimləməsini azaltmaq planlarına həsr edib. Qeyri-leqal miqrasiya haqqında danışarkən, o, ABŞ-da ən böyük deportasiya tədbiri keçirməyə söz verib.

Associated Press xəbər verir ki, X sosial şəbəkəsində müsahibənin yayımı zamanı problemlər yaşanıb - planlaşdırılan söhbətin başlanmasından 40 dəqiqədən çox vaxt keçməsinə baxmayaraq, təxminən 900 min istifadəçi görüşə qoşula bilməyib. Müsahibə zamanı İlon Mask bəyan etdi ki, X sosial şəbəkəsinə geniş miqyaslı DDoS hücumu həyata keçirilib. Onun sözlərinə görə, bu, "çoxlarının insanların Trampın dediklərini eşitməsinə qarşı çıxdığını" göstərir.

Трамп Demokratlar Partiyasının ABŞ prezident seçkilərindəki namizədi Kamala Harrisi "üçüncü dərəcəli", "səriştəsiz", "solçu dəlisov" və "radikal" demokrat olaraq adlandırdı. O, Harrisin Kaliforniyaya baş prokuror və sonradan senator olduğu dövrdə ziyan vurduğunu iddia etdi. Ancaq sonra o, Kamala Harrisin görünüşünü tərifləyib.

"O, indiyədək yaşamış ən gözəl aktrisaya bənzəyir. Bu bir şəkil idi və o, əslində böyük birinci xanım, Melaniyaya (burada o, öz həyat yoldaşını nəzərdə tutur) çox oxşayırdı," - Tрамп Харрис haqqında "Time" jurnalının üz qabığında çəkilmiş şəklini təsvir edərkən belə dedi.

Milli.Az
​Xəbərlərimizi WhatsApp kanalımızdan da oxuyun