PUL
İsrail Hərbi Hava Qüvvələri Qəzza zolağındakı Nuseyrat düşərgəsindəki Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyinin nəzarətində olan məktəblərdən birinin ərazisini orada fəaliyyət göstərən silahlı fələstinli radikalları məhv etmək üçün vurub.
Milli.Az APA-ya istinadən xəbər verir ki, bu barədə ordunun mətbuat xidməti məlumat yayıb.
"Bir müddət əvvəl İsrail Müdafiə Qüvvələri və Baş Təhlükəsizlik Xidmətinin kəşfiyyat məlumatlarına əsaslanaraq, İsrail Hərbi Hava Qüvvələri Nuseyratdakı Abu Urayban məktəb binası ərazisində fəaliyyət göstərən bir sıra terrorçulara hücum edib. Ərazi sığınacaq kimi xidmət edib və Qəzza zolağında fəaliyyət göstərən İsrail hərbçilərinə qarşı hücumların planlaşdırılması və həyata keçirilməsi üçün əməliyyat infrastrukturu kimi istifadə edilib", - məlumatda deyilir.
İsrail ordusu "zərbələrdən əvvəl mülki əhaliyə zərər vurma riskini azaltmaq üçün çoxlu addımlar atıldığını, o cümlədən dəqiq idarə olunan sursatlardan istifadə edildiyini" vurğulayıb.
"HAMAS terror təşkilatı İsrail dövlətinə qarşı həyata keçirdiyi terror hücumları üçün mülki strukturları və əhalini canlı qalxan kimi istifadə edərək beynəlxalq hüququ sistematik şəkildə pozur", - mətbuat xidməti bildirib.
Qeyd edək ki, "Əl-Qahirə əl-İxbariyyə" telekanalının yaydığı məlumata görə, İsrail qüvvələrinin Qəzza zolağının mərkəzindəki Nuseyrat düşərgəsindəki məktəb binasına endirdiyi zərbələr nəticəsində ən azı 20 fələstinli həlak olub.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
