Dünya

Ukrayna Rusiyadan qisas aldı - VİDEO

9 İyul 2024 09:56
Baxış: 4 305
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ukrayna Rusiya şəhərlərinə pilotsuz uçuş aparatları (PUA) ilə dünən Rusiyanın Ukrayna şəhərlərinə kütləvi zərbə endirməsinə cavab olaraq hücum edib. Nəticədə çox sayda insan həlak olub.

Milli.Az xəbər verir ki, pilotsuz uçuş aparatları (PUA) Belgorod vilayətində iki yaşayış məntəqəsini hədəf alıb. Nəticədə 4 nəfər həlak olub, daha 20 nəfər müxtəlif dərəcəli xəsarətlər alıb. Bu barədə Belgorod vilayətinin qubernatoru Vyaçeslav Qladkov məlumat verib.

160 mənzil, 60 ev və 140 avtomobilə zərər dəyib.

Pilotsuz uçuş aparatlarının (PUA) hücumu Volqoqrad vilayətində də qarşısı alınıb, lakin pilotsuz uçuş aparatlarının qalıqlarının düşməsi nəticəsində yarımstansiya və neft bazası yanıb, vilayətin administrasiyası bölgə qubernatoru Andrey Boçarovun sözlərinə istinadən bildirib.

"PUA qalıqlarının düşməsi nəticəsində Frolovo şəhərindəki yarımstansiyada və Kalaç-na-Donu şəhərindəki neft bazasında yanğınlar baş verib", - deyə administrasiya qubernatorun sözlərini gətirib.

Boçarov qeyd edib ki, yarımstansiyadakı yanğın operativ şəkildə söndürülüb, enerji təchizatı pozulmayıb.

Rusiya Müdafiə Nazirliyinin məlumatına görə, Rusiya hava hücumundan müdafiə vasitələri gecə ərzində 38 pilotsuz uçuş aparatını Astraxan, Belgorod, Voronej, Kursk və Rostov vilayətləri üzərində məhv edib və yaxalayıb.

Xatırladaq ki, dünən Rusiya Ukraynaya kütləvi zərbə endirib və ümumilikdə 33 nəfər həlak olub. Zərbələr nəticəsində "Oxmatdet" uşaq xəstəxanası da zərər görüb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.