Dünya

İrəvandakı toqquşmaya ABŞ səfirliyindən maraqlı reaksiya

13 İyun 2024 23:36
Baxış: 715
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ səfirliyi İrəvanda davam edən nümayişləri izləyir.

Milli.Az axar.az-a istinadən xəbər verir ki, bu sözlər ABŞ-ın Ermənistandakı səfirliyinin ötən gün aksiyaçılarla polis arasında baş verən toqquşma haqda yaydığı bəyanatında əks olunub.

"Biz etirazçıları zorakılıqdan çəkinərək məsuliyyətli şəkildə sərbəst toplaşmaq hüququndan istifadə etməyə çağırırıq. Siyasi fikir ayrılıqlarının həlli demokratik proseslərlə təmin edilir.

Biz həmçinin hüquq-mühafizə orqanlarını vətəndaşların söz və sərbəst toplaşmaq hüququnu təmin etməklə ictimai asayişi qorumağa və nümayişləri işıqlandıran jurnalistlərlə bağlı prosedurlar da daxil olmaqla, mümkün pozuntuların baş verdiyi bütün hadisələri araşdırmağa çağırırıq", - bəyanatda vurğulanıb.

Qeyd edək ki, ötən gün Ermənistanda keşiş Baqratın rəhbərlik etdiyi aksiyaçılarla polis arasında parlament binası yaxınlığında qarşıdurma baş verib. Qarşıdurma zamanı polis səs və tüstü bombalarından da istifadə edib. Nəticədə 17 polis, 98 aksiyaçı yaralanıb. Yaralananlar arasında media nümayəndələri də var.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.