Dünya

Britaniyada məhbuslar müvəqqəti azad olunacaq

16 May 2024 09:55
Baxış: 734
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniya hökuməti ölkə həbsxanalarında sıxlıq olduğu üçün bəzi cinayətkarları müvəqqəti olaraq azad etmək qərarına gəlib.

Milli.Az report-a istinadən xəbər verir ki, bu barədə "Reuters" məlumat yayıb.

Bundan əlavə, cəzaçəkmə müəssisələrində sıxlığın yaranmasının qarşısını almaq məqsədilə bəzi məhkəmə iclasları təxirə salınacaq. Agentlik bildirib ki, daha uzun həbs cəzaları və ağır cinayətlərə daha sərt yanaşma fonunda İngiltərə və Uelsdə son 30 ildə məhbusların sayı iki dəfə artıb.

Britaniyanın baş naziri Rişi Sunakın sözçüsü bildirib ki, vaxtından əvvəl azadlığa buraxılma yalnız cəza müddəti bitmək üzrə olanlara şamil ediləcək. Lakin, azadlığa çıxan şəxslər yenə də ciddi nəzarət altında olacaqlar.

Bu tədbir terrorizm, cinsi təcavüz və ya ciddi zorakılığa görə məhkum olunmuş cinayətkarlara şamil edilməyəcək. Həbsxana müdirləri də bəzi məhbusların azadlığa buraxılmasına mane ola bilər.

"Reuters"in Ədliyyə Nazirliyinin bəyanatına istinadən verdiyi məlumata görə, zaminə buraxılması rədd edilən məhbuslar polis bölməsində həbsdə qala biləcəklər.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.