Dünya

Xarkovun bəzi vilayətlərində əhali məcburi təxliyə olunacaq

12 Aprel 2024 09:24

Baxış: 662

#RUSİYA-UKRAYNA MÜHARİBƏSİ

"Ukraynanın Xarkov vilayətində Rusiya ilə sərhədə yaxın yerləşən 47 yaşayış məntəqəsində yaşayan uşaqlı ailələr məcburi təxliyə olunacaq".

Milli.Az qafqazinfo-ya istinadən xəbər verir ki, bu haqda Xarkov vilayət Hərbi Administrasiyasının rəhbəri Oleq Sinequbov məlumat yayıb.

O qeyd edib ki, məcburi təxliyə ilə bağlı qərar Regional Müdafiə Şurasının iclasında qəbul edilib:

"Söhbət yalnız Xarkov, Boqoduxovski və İzyum rayonlarında Rusiya ilə sərhədə yaxın yaşayış məntəqələrindən gedir. Bildiyimizə görə, həmin yaşayış məntəqələrində 182 uşaq yaşayır".

O qeyd edib ki, təxliyə Xarkov şəhərinin özünə şamil olunmayacaq.

Qurum rəsmisi bildirib ki, təxliyə marşrutları müəyyən edilib, insanların müvəqqəti yaşaması üçün yerlər bronlaşdırılıb.

Milli.Az
Xəbərlərimizi WhatsApp kanalımızdan da oxuyun