Türkiyə

İstanbulda binanın zirzəmisində partlayış: Yaralılar var - VİDEO

1 Noyabr 2025 00:04

Baxış: 563

VTB-də yüksək depozit faizleri daha çox qazandırır

#VİDEO #TÜRKİYƏ #PARTLAYIŞ

İstanbulun Bağcılar rayonunda yerləşən binanın zirzəmisində güclü partlayış baş verib. Hadisə 15 İyul məhəlləsində, axşam saat 20:00 radələrində qeydə alınıb.

Milli.Az xəbər verir ki, partlayışın səbəbi hələ müəyyən edilməyib, lakin ilkin məlumata görə, evdə olan bir neçə şəxs yaralanıb.

Partlayış barədə məlumat alan sakinlər dərhal polisə və fövqəladə xidmət orqanlarına xəbər veriblər. Əraziyə polis, yanğınsöndürən və təcili tibbi yardım qrupları göndərilib.

Yaralılar xəstəxanaya çatdırılıb, ərazidə təhlükəsizlik tədbirləri gücləndirilib.

Hadisənin dəqiq səbəbi hələlik məlum olmasa da, ekspertlər partlayışın mənbəyini müəyyənləşdirmək üçün binada araşdırma aparır.

Rəsmi qurumlar hadisə ilə bağlı ətraflı açıqlama verməyib.

İlkin ehtimallara görə, partlayış qaz sızması və ya elektrik problemi nəticəsində baş verə bilər.

Lalə Qüdrətova
Milli.Az