Türkiyə

78 nəfərin ölümünə səbəb olan həmin hotelin sahibi ömürlük həbs edildi

31 Oktyabr 2025 16:39

Baxış: 1 199

VTB-də minimal faiz dərəcəsi ilə nağd kredit 9.9%-dən

#TÜRKİYƏ #HOTEL

Bu ilin yanvar ayında Türkiyənin Bolu vilayətinin Kartalkaya dağ-xizək mərkəzinin hotelində baş verən yanğında 36-sı uşaq olmaqla 78 nəfər həyatını itirmişdi.

Milli.Az xəbər verir ki, onlarla insanın həyatına son qoyan "Grand Kartal Hotel"də baş verən yanğınla bağlı məhkəmənin hökmləri açıqlanıb.

Türkiyə məhkəməsi "Kartalkaya" xizək kurortunda 78 nəfərin həyatına son qoyan hotel yanğını ilə bağlı 11 nəfəri ömürlük həbs cəzasına məhkum edib.

Məhkəmə otel sahibi və cavabdeh Halit Ergülə; Grand Kartal A.Ş. idarə heyətinin üzvləri Emir Aras, Emine Murtezaoğlu Ergül, Elif Aras və Ceyda Hacıbekiroğluna; otel meneceri və cavabdeh Zeki Yılmaza; mühasibat meneceri və cavabdeh Kadir Özdemirə; Gazelle Otelinin meneceri və cavabdeh Ahmet Demirə; Bolu bələdiyyə sədrinin müavini və cavabdeh Sedat Gülenerə; Yanğınsöndürmə rəisinin vəzifəsini icra edən və cavabdeh Kenan Coşkuna; və yanğınsöndürən və cavabdeh İrfan Acara hökm oxunub.

Kollegiya 11 cavabdehə ölən 34 uşağın hər biri üçün 34 müddətli ağırlaşdırılmış ömürlük həbs cəzası, digər mərhum üçün isə 44 müddətli ömürlük həbs cəzası verib.

Xatırladaq ki, Kartalkaya dağ-xizək kurortunda yanğın yanvarın 21-nə keçən gecə baş verib. Yanğın zamanı hoteldə ümumilikdə 238 qonaq olub. Türkiyədə yanvarın 22-si milli matəm günü elan edilib.

Milli.Az