Paltaryuyan maşındakı sadə tənzimləmə enerji sərfini azaldır – Qəbz yarıbayarı düşür

Enerji mütəxəssisləri bildiriblər ki, evdə ən çox elektrik sərf edən iki məişət cihazı var və həftədə yalnız iki gün bu cihazlardan imtina etmək belə elektrik qəbzini yarıbayarı azalda bilər.

Milli.Az xəbər verir ki, paltaryuyan və qab yuyan maşınlar evlərdə ən çox elektrik enerjisi sərf edən cihazlardır.

Enerji istehlakına nəzarət üzrə ekspert Alice Beer, "This Morning" proqramında evlərdə enerji qənaəti üçün bir sıra faydalı məsləhətlər paylaşıb. O, xüsusilə paltaryuyan maşınla bağlı vacib xəbərdarlıq edib:

"Paltaryuyan maşını heç vaxt yarım dolu halda işlətməyin. Tam dolu yuma rejimi, iki yarım yuyulmadan daha az enerji sərf edir."

Beer bildirib ki, tam dolu yuma rejimi ilə işləmək həm suya, həm enerjiyə qənaət edir.

O, həmçinin bişirmə zamanı da enerji qənaətinin mümkün olduğunu vurğulayıb.

"Əgər mümkündürsə, qaz sobası yerinə mikrodalğadan istifadə edin. Mikrodalğa daha az enerji sərf edir və daha sərfəlidir," - deyə Beer bildirib.

Beer-in sözlərinə görə, bəzi elektrik cihazları istifadə olunduğu vaxta görə fərqli tariflərlə işləyir.

Bu səbəbdən, cihazları pik saatlardan (axşam 18:00-20:00 arası) kənarda işlətmək gözləniləndən daha çox qənaət təmin edə bilər.

"Aşağı tariflərə keçməyi düşünün. Hamımız axşam saat 6-8 arası kimi sıx vaxtlarda enerjidən daha az istifadə etməyə çalışmalıyıq," - deyə o, əlavə edib.

Qab yuyan maşını bu saatlarda işlətməyin

Beer, yeməkləri bir az daha tez və ya gec bişirməyin belə enerji qənaəti üçün faydalı ola biləcəyini söyləyib.

Xüsusilə qab yuyan maşının axşam 6-8 arası işlədilməməsini tövsiyə edib.

O, həmçinin su və istilik qənaəti üçün evdəki termostatların düzgün tənzimlənməsinin vacibliyini vurğulayıb:

"Qazan və su isitmə sistemlərinin fərqli termostat rejimlərinə diqqət edin. Bu da enerji sərfini azalda bilər."

Lalə Qüdrətova
Milli.Az