Tayvanda zəlzələdə ölənlərin sayı 10-a çatdı - YENİLƏNİB - VİDEO

17:02

Tayvanda baş verən güclü zəlzələ nəticəsində ölənlərin sayı 10-a çatıb.

Milli.Az axar.az-a istinadən bildirir ki, bu barədə TASS məlumat yayıb.

Xəsarət alanların sayı isə 934 nəfər olub.

------

11:25

Tayvanın şərq sahillərində baş verən zəlzələ nəticəsində 7 nəfər ölüb.

Milli.Az report-a istinadən xəbər verir ki, bu barədə "Reuters" ölkə hökumətinə istinadən məlumat yayıb.

Son məlumatlara görə, xəsarət alanların sayı 711 nəfərdir, daha 77 nəfər qəzalı binalarda qalıb.

-------

08:44

Tayvanda baş verən zəlzələ nəticəsində azı 1 nəfər ölüb, 50 nəfər yaralanıb.

Milli.Az report.az-a istinadən xəbər verir ki, bu barədə Yanğınsöndürmə Xidməti məlumat yayıb.

Daha əvvəl bildirilirdi ki, zəlzələdən sonra səkkiz mərtəbəli yaşayış binası qismən uçub, 8 nəfər içəridə qalıb.

Hualyanda, Çjunşan və Çunçin küçələrinin kəsişməsindəki binanın birinci mərtəbəsi dağılıb, bina əyilib, lakin dağılmayıb. Hadisə yerinə gələn xilasedicilər yanğın nərdivanlarından istifadə edərək sakinləri pəncərələrdən çıxarıblar.

Zəlzələ Pekin vaxtı ilə saat 07:58-də (Bakı vaxtı ilə 03:58) baş verib və bütün Tayvanda hiss olunub. Yerli seysmoloqların məlumatına görə, zəlzələnin episentri Hualyan şəhərindən 25 km cənub-şərqdə Sakit okeanda, zəlzələ ocağı isə 15,5 km dərinlikdə yerləşib. Bundan sonra ərazidə 20-dən çox yeraltı təkan qeydə alınıb.

------

06:18

Tayvanın şərq sahillərində baş verən 7,5 maqnitudada zəlzələdən sonra Yaponiyanın Okinava prefekturasının adaları üçün 3 metrlik sunami təhlükəsi yaranıb.

Milli.Az report.az-a istinadən xəbər verir ki, bu barədə Yaponiyanın Milli Meteorologiya İdarəsi məlumat yayıb.

Miyakodzima və Yaeyama adalarına sunami təsirinin təxmini vaxtı yerli vaxtla saat 09:10-dur (Bakı vaxtı ilə saat 04:10). Dalğanın sahilə çatıb-çatmadığı barədə hələ məlumat yoxdur. Prefekturanın əsas adası olan Okinava ərazisində yerləşən adalar üçün yerli vaxtla saat 10:00-a (Bakı vaxtı ilə saat 05:00) sunami proqnozlaşdırılır.

İdarə qeyd edib ki, 7,5 maqnitudada zəlzələnin episentri Tayvanın şərq sahilləri yaxınlığında yerləşib.

Milli.Az
​Xəbərlərimizi WhatsApp kanalımızdan da oxuyun