Dünya

Qırğızıstan rəhbərinə sui-qəsd hazırlayan azərbaycanlılar saxlanıldı - VİDEO - FOTO

23 Mart 2024 17:07
Baxış: 2 395
VTB-də minimal faiz dərəcəsi ilə nağd kredit 10.49%-dən

17:07

Qırğızıstanın Milli Təhlükəsizlik Dövlət Komitəsi transmilli cinayətkar qruplaşmanın üzvü olan 5 Azərbaycan vətəndaşının saxlanılması ilə bağlı məlumat yayıb.

Milli.Az xarici mediaya istinadla bildirir ki, kəşfiyyat xidmətinin məlumatına görə, saxlanılanlar respublika rəhbərliyinə sui-qəsd planlaşdırıblar.

Saxlanılanların Əliyev V. M., Bağxirov S. A., Əsgərov M. O., Behbudov M. S. və Məmmədov Z. İ. olduqları bildirilir.

Hüquq-mühafizə orqanlarının məlumatına görə, kriminal aləmdə "avara" statusuna malik olan Əsgərov Qırğızıstana dövlətinin mütəşəkkil cinayətkar qruplaşmalara qarşı həyata keçirdiyi fəal mübarizə siyasətinə görə ölkə rəhbərliyinə sui-qəsd cəhdi təşkil etmək məqsədi ilə ölkəyə gəlib.

Əməliyyat tədbirləri martın 22-də keçirilib. Hazırda əməliyyat-istintaq tədbirləri davam etdirilir.

Onlar həmçinin qeyd ediblər ki, məhbusların "cinayət planları" MTK-nın cinayət ideologiyasından kütləvi şəkildə imtina edilməsi, məhbuslar və azadlıqda olanlar arasında dövlət siyasətinin daha da davam etdirilməsi istiqamətində həyata keçirdiyi tədbirlər fonunda üzə çıxıb ki, bu daxarici kriminal liderlər arasında narazılıq yaradıb".

Bununla yanaşı, qurum bəyan edib ki, əməliyyat tədbirləri zamanı Bakıda gizlənən və əvvəllər axtarışda olan Gömrük Xidmətinin sabiq rəis müavini Raiymbek Matraimovun Bişkekdə tutulan şəxslərlə əlaqəsi aşkarlanıb.

Matraimovun saxlanılması və sonradan Qırğızıstana ekstradisiyası ilə bağlı Azərbaycan tərəfinə məktub göndərilib.

"Hazırda azərbaycanlı həmkarlarımız onun saxlanılması və daha sonra Qırğızıstana ekstradisiyası məsələsini nəzərdən keçirirlər", - deyə xüsusi xidmətdən bildirilib.

----------

15:09


Qırğızıstanda azərbaycanlı kriminal avtoritetlər saxlanılıb

Milli.Az xəbər verir ki, Bişkekdə ölkə rəhbərliyinə sui-qəsd planlaşdıran transmilli mütəşəkkil cinayətkar dəstənin üzvü olan 5 Azərbaycan vətəndaşı saxlanılıb.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.