Dünya

Çinin ən böyük developeri fırıldaqçılıqda ittiham edilir

19 Mart 2024 21:45

Baxış: 476

VTB-də minimal faiz dərəcəsi ilə nağd kredit 10.49%-dən

#DÜNYADA #ÇİN

Çinin ən böyük developeri "Evergrande Group" 2019-2020-ci illərdə gəlirlərini 78 milyard ABŞ dolları həcmində artıq göstərməkdə ittiham olunur ki, bu da Çin tarixində ən böyük korporativ defolta səbəb ola bilər.

Milli.Az report.az-a istinadən bildirir ki, bu barədə "Bloomberg" agentliyi Çinin Qiymətli Kağızlar Komissiyasının materiallarına istinadən məlumat yayıb.

Tənzimləyicinin məlumatlarına görə, "Evergrande"nin bölməsi olan "Hengda Real Estate" qəsdən gəlirlərini 2019-cu ildə 214 milyard yuan (29,7 milyard ABŞ dolları), bir il sonra isə daha 350 milyard yuan (48,6 milyard ABŞ dolları) artıq göstərib. Bu, mənfəətin müvafiq olaraq 63% və 87% şişirdilməsi ilə nəticələnib.

"Qiymətli Kağızlar Komissiyası "Hengda"nı hesabatları saxtalaşdırdığına və 2,89 milyard ABŞ dolları dəyərində qeyri-qanuni istiqraz buraxdığına görə 4,18 milyard yuan (581 milyon ABŞ dolları) cərimələyib", - agentlik yazıb.

Milli.Az
Xəbərlərimizi WhatsApp kanalımızdan da oxuyun