Dünya

Yeni Kaledoniyada yenə Azərbaycan bayrağı dalğalandırıldı - VİDEO - FOTO

21 Fevral 2024 11:58

Baxış: 1 186

VTB-də minimal faiz dərəcəsi ilə nağd kredit 9.9%-dən

#VİDEO #AKSİYA #FRANSA

21 fevral 2024-cü ildə Yeni Kaledoniyanın paytaxtı Numeada Fransanın daxili işlər naziri Gerald Darmanin və dənizaşırı ərazilərə məsul nazir Marie Guévenouxun səfərinə etiraz olaraq aksiya keçirilib, aksiya zamanı yenidən Azərbaycan bayrağı dalğalandırılıb.

Milli.Az APA-ya istinadən bildirir ki, aksiyanın başlıca məqsədi Fransa Hökuməti tərəfindən Yeni Kaledoniyada siyasi tarazlığı dəyişmək üçün yerli səsvermə prosedurunda etmək istədiyi dəyişiklərə qarşı yönəlib.

Məlumat üçün bildirək ki, Yeni Kaledoniya sakinləri bir neçə seçici siyahısına bölünür. Müəyyən şərtlərə - Məsələn, Paris sakini 10 ildən artıq müddət ərzində Yeni Kaledoniyada yaşasa belə - cavab verməyən Fransa vətəndaşları Yeni Kaledoniyanın gələcək taleyi və əyalət seçkilərində iştirak edə bilmir. Fransa Hökuməti hazırda dəyişiklik etməklə həmin insanlara sözügedən hüququ vermək istəyir və bununla da, müstəqillik uğrunda mübarizə aparan fəalların üstünlüyünə son qoymaq məqsədi daşıyır.

Aksiya zamanı etirazçılar və polis arasında qarşıdurma baş verib. Polis gözyaşardıcı qazdan istifadə edib.

Bakı Təşəbbüs Qrupu ilə əməkdaşlıq edən Qvadelupa, Fransız Qvianası, Martinik və Fransız Polineziyasının siyasi hərəkat və partiyaları BTQ-nin təşəbbüsü ilə Yeni Kaledoniyada bu gün keçirilmiş etiraz aksiyası ilə əlaqədar dəstəkverici bəyanatla çıxış ediblər.

Milli.Az
Xəbərlərimizi WhatsApp kanalımızdan da oxuyun