Dünya

Rusiyada iki balıqçı sirli şəkildə yoxa çıxdı - FOTO

7 Dekabr 2023 13:31
Baxış: 705
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiyanın Rostov vilayətində iki balıqçı müəmmalı şəkildə yoxa çıxıb.

Hadisə ilə bağlı əldə edilən görüntülərdə dumanın içində onların qayığının yanından üzüb keçən naməlum işıq saçan "top" əks olunub. Bundan bir neçə dəqiqə sonra isə balıqçılarla əlaqə kəsilib. Suda tərsinə dönərək aşan qayıq axının iki kilometr yuxarısında tapılıb.

Milli.Az oxu.az-a istinadən xəbər verir ki, mütəxəssislər işıq saçan "top"un nə olduğu ilə bağlı heç bir təxmin verə bilməyiblər.

Məlumata görə, Sergey Zaporojsev və Vitali Buznyakov adlı balıqçılar dekabrın 1-də Don çayında balıq tutmağa gediblər. Elə həmin gün saat 22:28-də Vitali həyat yoldaşına zəng edib və artıq evə qayıdacaqlarını deyib. Bu, balıqçıların əlaqəyə çıxdığı son dəfə olub. Bundan sonra onları bir daha heç kim görməyib.

Əvvəlcə yaxınları gecə saatlarında özləri itkin düşənləri axtarmağa gediblər. Onlar qayığı aşmış vəziyyətdə aşkarlayıblar, qayığın avarı isə digər sahildə olub. 
Qonşuluqda yerləşən istirahət mərkəzinin təhlükəsizlik kameralarına baxış keçirilib. Görüntülərdən məlum olub ki, balıqçı evə zəng etdikdən 14 dəqiqə sonra qayığın yanında naməlum obyekt peyda olub.

Balıqçıların qohumları hesab edirlər ki, Sergey və Vitali boğula bilməzdilər, çünki onlar təxminən 25 il ərzində bu yerdə balıq tutublar. Fövqəladə xidmətlər çayın dibində axtarış aparıb, lakin hazırda heç bir cəsəd tapmayıblar.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.